Galiza Nova Lugo Sur

Acto e cea XX aniversario Galiza Nova

2008-11-24T17:53:00.004-01:00

Prezada amiga/prezado amigo:
Durante este ano Galiza Nova conmemora o XX Aniversario da súa fundación o 23 e 24 de 1988.
Por este motivo, comprácenos convidarte ás actividades centrais destes 20 anos deixando pegada.
- ACTO PÚBLICO Facultade de Filoloxía ás 19:30 h (Avda. Castelao. s/n Campus Norte)
- CEA* no restaurante Vía da Prata ás 22:30h.

Agardamos a túa asistencia

*Contacta para reservar, no local comarcal de Lugo Sur (982 416 027) de 5 a 8 da tarde ou no correo lugosul@bng-galiza.org, prezo do convite 20 €

PAREMOS AS AGRESIÓNS CONTRA O GALEGO! 26 DE NOVEMBRO FOLGA ESTUDANTIL

2008-11-24T17:40:00.004-01:00

Hai dous anos, houbo un paro xeral nos institutos para reivindicarlle á Consellaría de Educación que tomase medidas en defensa do galego no ensino. O éxito desa folga, coa participación de máis de 60.000 estudantes segundo datos oficiais, foi fundamental para que a Consellaría de Educación tivese que elaborar unha nova norma de galeguización do ensino, o decreto 124/2007.

Comezado un novo curso, vemos con preocupación como se esfarelan as boas expectativas que había sobre a aplicación deste decreto. A realidade é que:

Na maior parte dos centros non se cumpre coa lexislación;
a Consellaría de Educación aínda non fixo públicos datos nin avaliacións reais sobre o grao de aplicación do decreto no curso pasado (malia o propio decreto indicar que ten que facerse);
seguen sen pórse en funcionamento as medidas e os medios demandados desde a comunidade educativa.

Todos os adiantos experimentados pola nosa lingua foron sempre froito da reivindicación, moitas veces protagonizada pola xente nova. Visto que é a saída que nos deixan, chamamos a parar as aulas o vindeiro 26 de novembro. Pararemos a inactividade da Consellaría de Educación. Pararemos as agresións ao idioma de Galiza.

Preocúpanos moito tamén a vaga de declaracións e accións contra a lingua do país que se están producindo case a diario desde os sectores máis reaccionarios. Teledirixidos por poderosos grupos económicos, políticos e mediáticos de fóra de Galiza, din defender cinicamente o “bilingüismo” e a “liberdade” cando na realidade só pretenden seguir marxinando o noso idioma, mantelo desamparado e, finalmente, facelo desaparecer.

Pararemos os institutos para dicirlle a eses grupos que os estudantes de Galiza defendemos o noso idioma. Falemos castelán ou falemos galego, queremos que se tomen medidas de apoio a un vínculo que nos une como galegas e galegos, que é unha riqueza común e un patrimonio para a humanidade.

Contra estes ataques que nos queren negar a voz e os dereitos tamén é necesario que nos movamos. Digámoslles que a inmensa maioría das galegas e dos galegos desexamos para o galego o mellor dos futuros. Porque garantir o futuro da nosa lingua é garantirmos o noso propio futuro.

Na comarca de Lugo Sur están convocados todos os centros de ensino a parar o día 26!!!

Acto homenaxe a Rosalía e Castelao

2008-07-23T11:46:00.003Z

Galiza Nova convidate ao Acto homenaxe a Rosalía e Castelao.
Programación:
Intervirán:
Iria Aboi Ferradás
Secretria Xeral de Galiza Nova
Francisco Rodríguez Sánchez.
Responsábel de Acción Institucional da Executiva do BNG

Lectura de fragmentos das obras de Castelao e Rosalía, actuación músical e sorpresas...

Ofrenda floral a Rosalía de Castro e Alfonso Daniel Rodríguez Castelao
Canto do Himno Nacional e remate de acto.

Será xoves 24 de Xullo ás 17:30 horas.
No Panteón de Galegos Ilustres, San Domingos de Bonaval.

II Roteiro Músico-Poético

2008-07-15T11:48:00.002Z

Sábado, 19 de xullo de 2008

Visitaremos varios lugares máxicos das terras de Sober que adquiren, se cabe, un maior encanto bañados pola tenue luz da lúa (chea, por suposto) destas noites de verán.

E n cada paraxe acompañaranos a Música e os poemas ou relatos cos que queirades agasallarnos cada un dos que nos acompañedes nesta aventura nocturna; o tema, a extensión e a cantidade de lecturas son libres, como libre é a luz de cada plenilunio que acariña a paisaxe ribeirá.

E, para facer todo isto aínda máis misterioso, non che diremos a onde imos, nin o que escoitaremos; só te convidamos a achegarte contra ás dez da noite do sábado 19 de xullo á Praza de Sober e desfrutar do luar.

* Podes ver as fotos do I Roteiro Músico-Poético á luz da lúa aquí: http://coladodovento.blogspot.com/2007/09/roteiro-msico-potico-luz-da-la.html

ASOCIACIÓN CULTURAL O COLADO DO VENTO

Todo listo para o Festigal 08

2008-07-14T21:45:00.003Z

"Nunca tal se viu".

Baixo este lema, a organización desta sétima edición do Festigal, agarda que que o 24 e 25 de Xullo se acheguen ao Campus Sur de Santiago, froito en moitos casos do boca a boca, incondicionais e curiosos, despistados e emerxentes, para sumar as máis de 20.000 persoas que ano tras ano permiten consolidar esta proposta como unha oferta máis a ter en conta no circuito de Festivais estivais que cubren o mapa do País por estas datas.

Tanto Macías como Aboi destacaron o carácter de intercambio cultural que supón este Festigal08

Xabier Macías e Iria Aboi por parte da organización; acompañados de Guillermo Fernández, músico de Berrogüetto e Sergio Zearreta, membro da banda ourensá Lamatumbá, presentaron o programa definitivo ante os medios de comunicación, nunha rolda de imprensa "pasada por auga" na terraza do compostelán hotel Costa Vella.

Tanto Macías -Fundación Galiza Sempre- como Aboi -secretaria xeral de Galiza Nova- destacaron o carácter de intercambio cultural que supón este Festigal08, onde os asistentes poderán desfrutar de grupos de música folc galega (Berrogüetto e Quempallou); dos suecos The International Noise Conspiracy -un grupo de punk-rock con letras subversivas e irónicas-; dunha figura internacional consagrada como o cantante cubano Pablo Milanés; do bluesman ferrolán Vítor Aneiros; dos festeiros Lamatumbá, unha das bandas galegas mais coñecidas; dos metaleiros estradenses Nao e do grupo de jazz-manouche electrónico francés Caravan Palace (unha alfaia pouco coñecida).

Non só haberá música no Festigal, senón que haberá numerosos debates na Galería das Ideas (sobre o centenario de Curros Enríquez, entre outros) e se presentarán varios libros, entre eles os últimos de Manuel Rivas e Camilo Nogueira. Ou a tradución galega de O segundo sexo de Simone de Beauvoir, que presentará Carme Adán.

E sen esquecer a galería audiovisual da Sala Nasa, na que se proxectarán numerosas curtas, documentais...

Durante a rolda de imprensa, Guillermo Fernández, de Berrogüetto, destacou a ilusión que supuña poder tocar o mesmo día que Pablo Milanés e lembrou que será a primeira vez que toquen en Santiago coa nova formación, na que Xabier Díaz substitúe á anterior cantante, Guadi Galego.

O BNG SUSPENDE TODOS OS SEUS ACTOS DE CAMPAÑA NA

2008-03-07T20:33:00.000-01:00

A candidata nacionalista, Paz Abraira, tiña previsto participar nunha festa de peche de campaña en Lugoe nun mitin e Sarria xunto ao conselleiro de Industria, Fernando Blanco, que foron suspendidos

A cabeza de lista do BNG ao Congreso afirma que “a violencia terrorista representa un intolerable atentadocontra os dereitos humanos e ofende a conciencia profundamente pacifista do pobo galego” e pídelles aos candidatos do PP e do PSOE que non fagan “uso poítico nin electoralista” deste último acto de ETA

O Bloque Nacionalista Galego suspendeu esta tarde todos os actos programados para o último día de campaña logo do asasinato de Isaías Carrasco a mans de ETA. A candidata nacionalista, Paz Abraira, que tiña previsto participar nunha festa de peche de campaña no barrio de Albeiros, en Lugo, e nun mitin en Sarria xunto ao conselleiro de Industria, Fernando Blanco, puxo fin á súa actividade de campaña en sinal de “tributo solidario” co ex concelleiro do PSOE en Mondragón tiroteado.

Paz Abraira afirmou que “a violencia terrorista representa un intolerable atentado contra os dereitos humanos máis elementais e ofende á conciencia profundamente pacifista do pobo galego”. A cabeza de lista do BNG ao Congreso por Lugo pediu tamén aos candidatos do PP e do PSOE que non faga “uso político nin electoral da violencia”.

Ademais dos actos centrais de Paz Abraira en Lugo e Sarria, foron suspendidos tamén todos os actos previstos polo BNG no resto da provincia. En concreto, na comarca da Mariña, onde o Bloque tiña previsto celebrar un peche de campaña en Ribadeo, así como outros actos previstos en Monforte, Pantón e Carballedo.

Balance da campaña

A primeira hora da mañá, e antes de que se producira o asasinato de ETA que motivou a suspensión do resto de actos do día, a cabeza de lista do BNG ao Congreso por Lugo, Paz Abraira, visitou xunto a militantes e simpatizantes do BNG e en compañia do conselleiro de Industria, Fernando Blanco, do vicepresidente da Deputación, Antón Bao, e do portavoz do BNG no Concello de Lugo, Xosé Anxo Laxe, a Praza de Abastos de Lugo, onde repartiu información sobre as propostas do BNG.

Alí Paz Abraira fixo balance dos últimos 15 días e afirmou que “nesta campaña falouse de Galiza e de Lugo porque estaba o BNG”. A candidata nacionalista dixo que os partidos estatais estaban moito máis preocupados por vir a Lugo a falar de Rajoy e de Zapatero que por falar dos problemas e as necesidades da provincia de Lugo. Neste sentido, indicou que “o PP quere que volvamos ao pasado de Fraga e Cascos resucitando o Plan Galicia, unha pantasma que os cidadáns enterramos hai catro anos” e que “Pepe Blanco volve catro anos despois coas súas promesas, que son fume”, polo que, dixo, “só se o BNG ten a forza suficiente en Madrid Galiza e Lugo serán escoitadas e tidas en conta”.

A candidata nacionalista fixo un chamamento “ao despertar da provincia de Lugo este domingo a través do BNG” e pediu o voto “a todos aqueles que queren que Galiza e Lugo conten no Estado” e de xeito especial aos mozos e mozas, para que sexan “o motor dese despertar”; aos xubilados, “esencia do noso pobo”; ás mulleres, “que siguen sendo o soporte da sociedade”; e aos traballadores, “que son os que lle dan futuro a esta provincia”.

A candidata do BNG afirmou que o voto ao BNG é “triplemente útil” porque, dixo, “é útil para que non goberne o PP, útil para que Galiza e Lugo sexan tidas en conta en Madrid e útil para lograr avances democráticos”. Paz Abraira pediu o voto a todos aqueles cidadáns que queren “que Galiza sexa protagonista da política estatal”. “E só o lograremos se o BNG ten a forza suficiente para ser chave en Madrid”, dixo a cabeza de lista do BNG ao Congreso.

Festa para a mocidade en Monforte!!

2008-03-07T14:06:00.002-01:00

Acto peche de campaña de Galiza Nova en Lugo Sur

O VENRES 7 DE MARZO, ÁS 21H NO BAR RL
de Duquesa de Alba en Monforte de Lemos.

TEREMOS:
FESTA-PANCETADA
O viño, pan e panceta corre pola nosa conta!!!
As gañas de festa polas ti.
esperámoste!

Coa forza da mocidade
Galiza decide

Vota BNG

Que tes que facer para votar por correo nas eleccións xerais do 9 de Marzo? Consúltao aqui!

2008-02-04T10:04:00.000-01:00

Como saberás, o vindeiro 9 de Marzo celébranse as Eleccións Xerais, unha convocatoria electoral decisiva para que Galiza conte con un maior poder político no Estado e sexamos quen de decidir sobre aquelas políticas que nos afectan. Durante todos estes anos o BNG conseguiu que Galiza existise na política estatal, que se defenderan os nosos intereses como galegas e galegos e que se avanzara nos dereitos sociais e no noso autogoberno. Mais agora é necesario que Galiza determine as políticas que se fan dende o Estado a través do BNG, e para iso as mozas e os mozos galegos debemos participar destas eleccións porque este é o mellor xeito para conquistar o noso futuro. Non podemos quedar caladas nin calados e queremos contar contigo para que o próximo 9 de Marzo penses en Galiza e apoies ao BNG. Dende Galiza Nova, organización xuvenil do BNG, queremos facerche chegar esta información para que no caso de que non te atopes no lugar no que esteas censado ou censada para ir a votar, poidas exercer o teu dereito a voto a través do correo.

PROCEDEMENTO

1. Todas e todos os que desexedes exercer o voso dereito a voto por correo debedes persoarvos (co Documento de Identidade) ante calquera Oficina de Correos, a partir do día 16 de Xaneiro até o 29 de Febreiro, e solicitar o certificado de inscrición á Delegación Provincial da Oficina do Censo Electoral (OCE) correspondente. O impreso oficial facilitarásevos nas propias oficinas de Correos.

2. Unha vez cumprimentada a solicitude, envíase por correo certificado á Delegación Provincial da OCE, que te anotará no censo de votantes por correo. O inicio da tramitación do voto por correo (aínda que despois se desista) impide o voto en mesa electoral o día das eleccións.

3. Do 22 de Xaneiro ao 28 de Febreiro comeza o prazo de exposición do censo electoral nos concellos e consulados e debes comprobar se estás inscrito.

4. No prazo comprendido entre o 19 de Febreiro e o 3 de Marzo, a OCE enviará aos solicitantes do voto por correo a documentación electoral ao enderezo que indicaron na solicitude: certificado de inscrición, papeletas e sobres electorais, enderezo da mesa en que lles corresponde votar e folla explicativa de todo o proceso.

5. Coa documentación electoral elixes a papeleta de voto e introdúcela no sobre de votación, despois métela noutro sobre co enderezo da mesa electoral, xunto coa tarxeta de inscrición no censo. Por último, todas e todos os solicitantes teñen que enviala por correo certificado e urxente até o 6 de Marzo.

TODO O PROCESO É GRATUITO.

RESIDENTES AUSENTES INSCRITOS NO CERA.

1. Os Consulados e Embaixadas expoñen as listas electorais vixentes no mesmo período que rexe para a exposición das listas do censo electoral en Galiza (do 22 de Xaneiro ao 28 de Febreiro). Durante os días seguintes, poden presentarse reclamacións ante as Delegacións Provinciais da OCE ou Consulado, sobre a inclusión ou exclusión no censo, ou instar modificacións de algúns dados persoais, debendo realizarse pola persoa interesada. As reclamacións resólvense no prazo de tres días, notificándoche a resolución e publicando as rectificacións o día 3 de Marzo.

2. Até o 16 de Febreiro as Delegacións Provinciais da Oficina do Censo Electoral envían a documentación para exercer o voto aos/ ás residentes ausentes.

3. Todos os e as residentes ausentes poden exercer o seu dereito ao voto persoalmente a través das Oficinas Consulares até o 2 de Marzo que despois tramitará o Ministerio de Asuntos Exteriores ou poden remitir o seu voto por correo certificado ata o 8 de Marzo ás Xuntas Electorais Provincias.

Convención Nacional do BNG

2008-01-24T09:19:00.000-01:00

Di o que pensas dos transportes na Galiza.

2008-01-24T08:58:00.000-01:00

Dentro da campaña sobre os transportes públicos na Galiza, que esta a desenrolar Galiza Nova a nivel nacional.

Dende Lugo Sur queremos abrir un foro de opinión para que nos digades o que pensades deste tema( problemas, medidas a tomar e todo o que vexades que é importante recalcar sobre esta situación de abandono que sufrimos diariamente a mocidade), por eso convidamos a todos e todas a deixar nos comentarios desta entrada a vosas opinións, esperiencias e un longo etc. que iredes e iremos facendo.

Un saúdo nacionalista

Volve...se podes! O video de Galiza Nova que se difunde no Nadal.

2008-01-03T08:35:00.000-01:00

Como sabedes Galiza Nova continúa coa campaña a prol dun transporte público. Moitos foron os dipticos e carteis que se distribuíron e os actos que se fixeron por todo o país. Incluso magostos e fotomatóns que tiveron moito éxito. Agora chegou a quenda do audiovisual cun video que parodiando os anuncios do Nadal denuncia a situación que moitas mozas e mozos pasan para volver ás súas casas.

Todas e todos polo indulto aos veciños do Eixo

2007-12-16T13:37:00.000-01:00

Este fin de semana haberá novas mobilizacións para defender o indulto para os veciños do Eixo. Entre as actividades que se prevén estarán un concerto no auditorio de Galiza( Santiago de Compostela) o venres 14 de decembro ás 20:30h. A entrada custa 6€ e entre outros sitios atópase á venda no Local Nacional do BNG. O Domingo 16 haberá unha manifestación polo indulto que sairá ás 12:30 da alameda de Santiago de Compostela. Se queres máis información vai a: http://www.ostresdoeixo.info/ .

Galiza Nova estará presente xa que os tres veciños do Eixo precisan da nosa axuda. Non deixes de acudir.

III Campionato de Futbolín a prol das Seleccións Galegas !!!!

2007-11-29T18:10:00.000-01:00

Lugar: Restaurante Carabelos;na Praza do Concello de Pantón
Días: 7 e 8 de Nadal.
Horarios:
Venres 7 de Nadal ás 23 horas; comezo do III Campionato de futbolín.
Sábado 8 de Nadal ás 21 horas; cea de confraternidade(anotarse con tempo) + semifinal e final do campionato de futbolín + grandes premios + festa rachada con Toñito de Poi!!!
Anotarse antes do venres 7 as 19 horas chamando ó teléfono 982.41.60.27 polas tardes de luns a venres,tamén no 615.674.390 vía sms ou chamada ou no correo electrónico: roi789@hotmail.com
+info: http://www.galizanovalugosur.blogspot.com/

25 de Novembro: Día Internacional contra a violencia de xénero.

2007-11-25T11:47:00.000-01:00

Como saberás o próximo 25 de Novembro é o día Internacional da Non violencia contra as mulleres. A Asemblea de Mulleres de Galiza Nova estará presente nos actos e concentracións que se convoquen para denunciar a violencia machista que aínda a día de hoxe sigue estando presente na nosa sociedade. Nese sentido convidámosvos a que repartades o material que se vai distribuir polas comarcas e localidades e a que asistades as concentracións das que podedes atopar máis detalles en ler máis.

O vindeiro 25 de novembro haberá concentración nas seguintes localidades da nosa Nación:Santiago: 12,30 horas, na Praza 8 de Marzo.Vigo: 12 horas, saída Rúa Urzaiz.A Coruña: 12 horas, no Obelisco..Narón: 25 de novembro, ás 12 horas, na Praza de Galiza.Pontevedra: 25 de novembro, ás 12 horas, na Praza 8 de Marzo.Cee: 25 de novembro, ás 12 horas, na Alameda.

O texto do panfleto que Galiza Nova vai distribuir é o seguinte:

REVÍRATE CONTRA A VIOLENCIA
O 25 de Novembro foi declarado pola Asemblea Xeral das Nacións Unidas como o día Internacional da Eliminación da Violencia Contra as Mulleres co obxectivo de implicar aos gobernos e organizacións na sensibilización do grave problema que constitúe esta violencia. É, polo tanto, este día unha data para a denuncia na que a Asemblea de Mulleres de Galiza Nova quere contribuir a espertar unha vez máis a concienciación social e a reflexión nas galegas e galegos, en especial na xente moza pois de nós depende en grande medida, que no futuro non se dean moitas das situacións que actualmente contribúen a perpetuar esta lacra social.
Para conseguir mudar as cousas cómpre ter claro que a violencia contra as mulleres é un fenómeno estructural derivado da desigualdade de poder entre homes e mulleres, é polo tanto un instrumento de dominación e de control que se manifesta de múltiples xeitos.
Debido a súa gravidade deben ser moitas as medidas e liñas de actuación, aínda que dende a Asemblea de Mulleres de Galiza Nova somos conscientes de que a violencia machista non desaparecerá só pola vía normativa, consideramos positiva a aprobación da primeira Lei Galega para a Prevención e Tratamento Integral da Violencia de Xénero, impulsada polo BNG no goberno da Xunta de Galiza. Esta lei dótanos dunha maior capacidade de resposta ante as necesidades e demandas das mulleres que padecen violencia no noso país. Dende unha política totalmente integral a Lei galega supera moitos dos elementos limitadores da lexislación estatal, primando entre outros, os recursos para que as mulleres acaden a independencia respecto aos seus agresores.
Grazas ao traballo do feminismo, de moitas mulleres e organizacións coma a nosa, foi posíbel avanzar importantes chanzos na loita contra esta problemática, mais para poder mudar dun xeito efectivo esta situación cómpre que non ollemos cara outro lado e nos comprometamos. Por iso que dende a Asemblea de Mulleres de Galiza Nova chamamos a todas as mozas a organizarse con nós para seguir loitando polos nosos dereitos como mozas galegas.

ORGANÍZATE COA ASEMBLEA DE MULLERES DE GALIZA NOVA!!!!!

Viaxar na Galiza, materia pendente do Estado

2007-11-10T08:01:00.000-01:00

Campaña polo transporte público:

POR UN FERROCARRIL
ACAÍDO ÁS NECESIDADES DO PÁIS

· Modernización dos trens e mellora das estacións e apeadeiros.
· Creación da rede de Cercanías: A Coruña-Ferrol-Santiago-Vilagarcía e Pontevedra-Vigo.
· Combinación dos horarios de ferrocarril cos de bus.
· Aumento de prazas na liña A Coruña-Vigo, no desprazamento de estudantes.
· Aumento na frecuencia de trens na liña Ourense-Vigo, Ourense-Santiago, Lugo-Monforte-Ourense, Ferrol-A Coruña.
· Ampliación das liñas Santiago-Lugo, Lugo-A Mariña e Ferrol-A Mariña.

PARA MELLORAR O TRANSPORTE PÚBLICO
POR ESTRADA EN GALIZA

· Inclusión como parada das liñas de autobuses das estacións e apeadeiros de tren.
· Gratuidade do autobús para o estudantado de 1º e 2º de Bacharelato.
· Mellora da flota de autobuses e adaptación a persoas con problema de mobilidade.
· Rebaixas no prezo para o estudantado en todas as liñas.
· Remodelación ou creación de estacións ou paradas que reúnan as condicións acaídas para o seu uso.
· Creación ou reubicación de paradas en torno a aqueles puntos de maior afluencia e nº de habitantes, en frecuencia e horarios axeitados, tendo en conta a proximidade a servizos públicos importantes para a xente nova (institutos, bibliotecas...).

Castañazo Rock O7

2007-10-25T09:01:00.000Z

A Asociación Cultural O CASTANHAZO presenta o Sábado 3 de novembro 2007 no Mercado Gandeiro de Chantada (LUGO), a partires das 12:00 H. un super concerto coas bandas:

Motor Perkins (www.myspace.com/motorperkins)

Cuchufellos ( http://www.cuchufellos.com/ )

Os Rastreros (http://www.rastreros.net/ )

Ruxe Ruxe (http://www.ruxeruxe.com/)

Os tres trebóns

Zenzar (http://www.zenzar.info)/

Presentado por Carlos Blanco e amenizado pola charanga "Os Veraneantes"

Mural traballo digno no concello de Chantada

2007-10-25T08:58:00.000Z

Homenaxe os represaliados polo franquismo

2007-09-19T20:41:00.000Z

Galiza Nova organiza as XIX Xornadas de Verán na Comarca da Montaña

2007-09-14T17:10:00.000Z

Un ano máis, Galiza Nova, a organización xuvenil do BNG, organiza as Xornadas de Verán. Este ano as XIX xornadas de Verán serán na Comarca da Montaña, que abrangue os concellos de: concellos de Sobrado, Vilasantar, Arzúa, Melide, Toques, Boimorto,Curtis, Mesía e Santiso. As xornadas de verán son tres días, o 21,22 e 23 de Setembro de festa, deportes, charlas, convivencia, coñecemento do país. Anímate a participar enviando a túa inscripción a nacional@galizanova.org. A cuota de inscripción son só 15€ e inclúe comida, durmida, desprazamento e actividades.

PROGRAMA DAS XIX XORNADAS DE VERÁN DA MOCIDADE GALEGA.
VENRES:
18.30 Saída en bus dende Compostela
19:30-20h- recepción no Concello de Arzúa
21:30- Cea no Multiusos de Arzúa
23:00- Festa

SÁBADO:
9:30 Almorzo
11:00 Visita ao Enredo do Abelleiro
12:30 Saída cara Porto de Mouros e actividades
14:30 Xantar
16:30 Saída cara Sobrado dos Monxes e visita
18.00 Saída cara Melide
19:30 Recepción no Concello de Melide
20:30 Charla na sala de conferencias
22:00 Saída cara o pavillón e cea
23:00 Saída de marcha por Melide

DOMINGO
10:30 Almorzo
11:30 Visita ao Museo Terra de Melide
12.30 Saída cara Arzúa
13:00h Homenaxe na Praza da Vila
14:30 Xantar na Área recreativa de Ribadiso
16:30 Saída cara Compostela

Os Irmandiños preparan a toma do Castelo de Monterrei

2007-09-02T21:20:00.000Z

"Hai que achegarse á nosa historia sen complexos e sen prexuízos, sen ningún tipo de sentimento de inferioridade como se nos quixo inculcar durante moito tempo, hai que achegarse coa mente aberta, a mellor actitude para aprender", afirmou Anxo Quintana durante a presentación do xogo de rol en vivo Irmandiños: A Revolta, organizado pola Vicepresidencia da Xunta a través da Dirección Xeral de Xuventude. "É un dos xogos de rol máis grandes do mundo", destacou Rubén Cela, director xeral de Xuventude, confiando no "éxito" da convocatoria en que se completarán as 500 prazas ofertadas para o xogo.

Escrito e planificado por 13Negativo, está ambientando na Galiza medieval do século XV, durante a Segunda Revolta Irmandiña, cando "milleiros de homes e mulleres se levantaron en armas contra os señores feudais debido aos múltiples abusos que contra a poboación se estaban a cometer". Vaise desenvolver entre o 5 e o 7 de outubro no Castelo de Monterrei. Toda a información na web Irmandinhos.com.

Comunicado de agradecemento da asociación cultural O Castro pola edición 07 do festival do Castro.

2007-09-02T11:27:00.000Z

"Rematou o Festival do Castro do 2007 e xa estamos argallando o do ano que vén. O balance foi, para nós, moi positivo porque ano a ano imos construindo un espazo de lecer referencial na comarca e ao que xa veñen moitos amigos e amigas de máis lonxe a disfrutar das moitas actividades que conforman este festival.

A xeito de resumo esta edición comezou cos pasarrúas e malabares por Ferreira e polo Castro para ir quecendo a mañá, coa feira de artesanía e o movemento de son, preparativos e chegada de público e artistas. O xantar, que medra ano a ano en participación discorreu entre os produtos da terra e rematou cunha brutal subida de adrenalina coa actuación dos Festicultores, auténticos animadores e festeiros que nesta edición se gañaron o ceo, arrancando os primeiros bailes, soltos e agarrados.

Xa pola tarde Pablo Trasno e o Show de Lupo puxeron os sorrisos nas facianas de pequenos e maiores coas suas actuacións de circo, acrobacias e humor contando sempre coa participación e complicidade do público. Tampouco queremos deixar de pedir disculpas aos dous artistas e ao púbico, polas molestias que polas probas de son -que por problemas técnicos se retrasaron e coincidiron coa súa actuación-. Erro noso que trataremos de solucionar para o ano que vén.

Pola noite, comezamos outra vez cunha espectacular e potente actuación dos Festicultores Troupe que cos seus ritmos balcánicos non nos deixaron músculo sen mover. Aínda non eramos moitos e moitas mais non se notaba. O noso agradecemento tamén aos Festicultores pola súa disposición e espiritu festeiro. Case sen respiro o Tonhito de Poi nos reclamou para o escenario onde comezou o concerto. Abreu paso coa súa música e da súa banda e unha sesión de "equlibrismo" a diferentes estilos e diferentes postas en escea, todas elas potentes e de grande calidade: a festa da terra de Serralhe aí!!!, con quen até debutou Iria, da asociación, coa súa pardeireta. Este grupo supuxo un grande descubrimento para moitos e moitas que aínda non coñecian o seu directo. Seguíu o ska e os ritmos xamaicanos dos coruñeses Dandy Fever que como non converteron en skatalítico ao públic todo. Logo apareceron no escenario os de Che Sudaka, que demostraron o porque son un dos grupos máis solicitados para os concertos e que achegaron a Pantón a súa xira galega. E para fin de festa o hip-hop de Bob Da Rage Sense que desde Angola e Portugal puxeron a denuncia e a reivindicación a ritmo de rap. Desgraciadamente unha pequena choiva foi poñendo fin á súa actuación. Aínda que a festa xa estaba feita e xa eran as catro e media da mañá. Hora de tomar a última na barra da asociación, seguir a festa noutro lado ou recollerse ás tendas o ás casas.

Agradecer a partcipación e o comportamento das persoas que se achegaron até Pantón a disfrutar con nós das actuacións e actividades do festival. É moi importante para nós que entre o festival e a vida cotiá de Pantón poidan conviver xa que non falamos dunha cidade, onde é máis habitual este tipo de eventos. Aquí temos que gañarnos tanto aos que veñen como superar as desconfianzas iniciais dos que están. Por iso queremos continuar co bo ambiente que entre os artistas, organización e públicos se crea no Festival do Castro. Ese é o noso primeiro valor a conservar, lonxe da masificación e despersonalización de"macro-festivais" aos que desde logo non queremos aspirar.

E agradecer tamén moi especialmente a Xurxo Souto, Carlos Blanco, Tonhito de Poi, Amalia, Pony, aos do equipo de son, ... pola súa complicidade e apoio para que o Festival do Castro siga medrando. Até o ano!"

Mural Día da patria en Chantada.

2007-08-12T10:18:00.000Z

Acto homenaxe a Rosalía e Castelao, martes 24 de xullo ás 18 horas en Santiago de Compostela

2007-07-22T19:51:00.000Z

Manifestación Día da Patria 07

2007-07-20T08:21:00.000Z

O coordinador da Executiva do BNG, Francisco Jorquera, e mais o secretario de Imaxe e Propaganda, Mario López Rico, apresentaron hoxe en rolda de prensa en Santiago de Compostela os actos do Día da Patria 2007, que este ano se desenvolverán baixo o lema "A Forza que fai País".
Francisco Jorquera explicou que o elección do lema quere expresar que "o BNG sempre estivo na vangarda da reivindicación dos dereitos nacionais de Galiza, impulsando o autogoberno e contribuíndo a artellar a sociedade galega".

Neste sentido, subliñou que "agora que o BNG ten responsabilidades de goberno na Xunta, nos concellos e noutras institucións relevantes do País "o que está a facer o nacionalismo é por as institucións ao servizo da construcción nacional de Galiza".

Aumentar o poder do nacionalismo galego en Madrid.

Jorquera marcou como retos do BNG a partir deste 25 de xullo "incrementar sustancialmente a afiliación, facendo do BNG unha organización máis aberta á participación da sociedade galega, e dotar de máis forza ao BNG na política estatal para que os intereses de Galiza sexan defendidos como se merece". Por último, o coordinador da Executiva do BNG avanzou que "agardamos unha asistencia masiva tanto á manifestación como ao Festigal e unha presenza moi relevante de organizacións progresistas e nacionalistas de todo o mundo".

Simbolizar a necesidade de que Galiza poida decidir e a esperanza no futuro

Pola súa parte, o secretario de Imaxe e Propaganda da Executiva do BNG, Mario López Rico, tamén explicou que o lema do Día da Patria 2007 "quere salientar a necesidade de que Galiza teña forza para estar presente nas institucións do Estado e de Europa". En definitiva, capacidade para defender os nosos intereses, "que só pode garantir unha presenta forte do BNG".

Finalmente, Mario López Rico asegurou que a elección dunha moza coa bandeira galega para o cartaz do Día da Patria "simboliza a aposta polo futuro do país".

Festigal 07, 24 e 25 de xullo

2007-07-17T12:33:00.000Z

Para máis info en www.festigal.com

Coñece o teu patrimonio !!

2007-07-17T12:26:00.000Z

SÁBADO, 21 de Xullo do 2007.·

Saída: 6 da tarde da Praza do Concello.

Visita a: Millán, Proendos e Pinol.·

Entrega dun libriño sobre os Petroglifos de Sober.·

Pinchos ó aire libre en Cadeiras (2 €).*

Apúntate en benegasober@hotmail.com ou no 637 50 20 35 (Se vas traer o coche e non te vas quedar ós pinchos non fai falla que te apuntes: aparece e xa está).

Xa está en marcha o Festival do Castro 07 !!!!

2007-07-09T13:21:00.000Z

Dende a asociación cultural e xuvenil escola de baile e gaitas O Castro de Pantón están en marcha cunha nova edición do festival do Castro. Dende Galiza Nova apoiamos este tipo de inciativas impulsadas pola xente moza na comarca Lugo Sur.

A data do festival é o 18 de agosto cun programa cargado de actividades durante todo o día que detallamos a continuación.

Inscríbete para participar no Festigal.

2007-07-09T13:16:00.000Z

Xa está en marcha o Festigal, o evento que congrega ao nacionalismo galego os días 24 e o 25 de xullo no Campus Sur da Universidade de Santiago. Dende a véspera do día da Patria, poderanse ver na capital de Galiza todo tipo de manifestacións culturais do país e tamén doutras nacións do mundo. O Festigal, xa consolidado despois de cinco edicións, pretende ser un escaparate para o intercambio cultural con propostas artísticas, musicais, políticas e culturais de balde, con programación para todos os públicos (vai a ler máis) Galiza Nova, entidade coorganizadora deste evento, cumpre un papel referencial coa axuda da súa militancia. Se desexas contribuir á consolidación desta festa colaborando nas tarefas da organización ponte en contacto con nacional@galizanova.org.
Concertos A parte musical do programa, aínda sen confirmar de todo, estará formada por un concerto dedicado á xente máis nova, o 24, e outro para un público máis diverso o 25. A primeira xornada está prevista a presencia dos coruñeses Loretta Martin, que fan funk rock en galego; Babylon Circus, coa súa mestura de reggae, ska, jazz e música tradicional da Europa do Leste e que chegan de Francia, e o tamén francés Dj Missill. A xornada do Día da Patria subirá ao escenario a caboverdiana Nancy Vieira, nomeada por moitos como a sucesora de Cesária Évora. Ademais, polas tardes, desenvolverase un café concerto.
Máis cultura
Paralelamente, poderase asistir a outro tipo de manifestacións culturais: na galería das Ideas terán lugar mesas redondas sobre “Conflitos e cambios na globalización”, ademais dunha tertulia sobre actualidade sociopolítica onde participarán políticos e xornalistas. Na galería das Letras estarán Manuel Rivas, Rosa Aneiros, Teresa Moure, Suso de Toro, Inês Pedrosa e Carlos Meixide, entre outros, asinando exemplares dos seus libros, e tamén se desenvolverán recitais poéticos e exposicións relacionadas coa literatura. A programación do Festigal estará composta tamén pola galería Audiovisual, que terá a súa sede na Sala Nasa. Nela, proxectaranse obras audiovisuais, entre as que poderían estar curtas premiadas no Festival de Cans e nos Premios Mestre Mateo, ademais de producións da Escola de Imaxe e Son da Coruña. Tecnoloxía e exposicións O festival contará tamén coa exposición Queremos coñecernos, sobre a traxectoria de mulleres senlleiras do país, organizada pola Secretaría Xeral de Igualdade, e mais a galería da Ciencia e das Novas Tecnoloxías, cun espazo dedicado ao software libre e á cultura científica. Durante as dúas xornadas tamén haberá lugar para a artesanía, as asociacións e actividades para o público infantil. A organización aspira a superar os 20.000 visitantes e a situar nos 20.000 metros cadrados de superficie 25 postos de artesanía, 15 de hostalaría. A apertura está prevista para o día 24 ás once da mañá e a inauguración da web do festival, o día 1 de xullo.

Máis de 10.000 sinaturas para salvar o Courel!!

2007-06-22T17:55:00.000Z

Recentemente vaise declarar unha miniatura de Parque Natural no Courel,para disimular a inminente autorización, de catro novas macro canteiras no Lor e Ferreiriño, cando no Courel xa existen máis dunha ducia delas. Por iso, a Asociación Ecolóxico-Cultural SOS Courel, veciñas e veciños do concello de Folgoso do Courel, piden axuda urxente para que a Xunta de Galiza declare Parque Natural O Courel, de inmediato; incluíndo dentro, como mínimo, as concas íntegras dos ríos Lor-Louzara, Selmo, Soldón e Ferreiriño; e que se libere o territorio conformado por todas elas de todo tipo de impactos e concesións incompatíbeis, como canteiras, eólicos, centrais hidroeléctricas, vertedoiros...

Por todo isto están levando a diante unha recollida de sinaturas dirixindo ao Presidente da Xunta de Galiza o seguinte documento que podes baixar da páxina web de ADEGA e envíao por correo certificado a:Asociación SOS Courel. Santa Eufemia, nº 32. Folgoso do Courel, 27327 Lugo.A campaña rematará o 21 de xullo de 2007 coa entrega de sinaturas ao Presidente da Xunta de Galiza, o resultado final farémolo público nos Medios de Comunicación.

Novo mural en Chantada de Galiza Nova

2007-06-20T15:03:00.001Z

Coincidindo ca celebración do 1º de maio varios militantes e simpatizantes de Galiza Nova na comarca levaron a cabo a elaboración dun mural no concello de Chantada. Baixo o lema"1º de maio. Traballo digno". A continuación podedes ver algunhas fotos desta actividade.

Novo responsábel comarcal de Galiza Nova Lugo Sur

2007-06-19T20:51:00.000Z

O pasado día 28 de abril de 2007, a asemblea comarcal de Galiza Nova na comarca de Lugo Sur elexiu por unanimidade dos asistentes como novo responsábel comarcal a Roi López Carmona e como responsábel de finanzas a Paula Vázquez Verao. Concluindo asi o proceso de renovación dos órganos comarcais de Galiza Nova que comezara co proceso asembleario da X Asemblea Nacional na cal Iria Aboi converteuse na primeira secretaria xeral na historia de Galiza Nova

Comezou a campaña contra os incendios. Participa no Voluntariado en defensa do Monte!!!

2007-06-18T13:15:00.000Z

O pasado fin de semana comezou a campaña deste ano contra os incendios Forestais da Consellería do Medio Rural pero dende xa hai semanas ven funcionando pola nosa xeografía o Voluntariado en Defensa do Monte Galego. Dende Galiza Nova querémosvos convidar a que participedes deste ambicioso programa da Dirección Xeral de Xuventude, para que coa vosa colaboración consigamos reducir o número de incendios no noso pais. Se precisades máis información dirixídevos ao 900 400 800 ou á páxina web http://www.voluntariadomontegalego.org/

Andamos de obras

2007-06-14T21:02:00.000Z

Estamos a actualizar o blog de Galiza Nova Lugo Sur. En breves poderás gozar de novos contidos e outro formato.
Un saúdo nacionalista

Galiza Nova denuncia o continuísmo no Consello da Xuventude

2007-01-16T13:45:00.000-01:00

Con motivo da celebración da Asemblea Xeral do Consello da Xuventude de Galiza (CXG) este sábado 13 de xaneiro, Galiza Nova denunciou un pacto entre as mocidades do PSOE e do Partido Popular que é continuísta do xa existente e que se concretou na renovación dun Comité Permanente no cal ademáis do PSOE, que recolle a Presidencia, intégrase o PP e mesmo asociacións como a Organización de la Juventud Española (OJE).
Galiza Nova denuncia o continuísmo dun modelo que non soluciona os problemas do asociacionismo xuvenil galego, en forma de apoio real ás asociacións de carácter local ou comarcal que si traballan no país; ademáis manifestase tamén a incapacidade do CXG para ampliar a súa base asociativa, tan limitada que até o de agora está limitada a tan só 21 asociacións, das cales unha grande parte non teñen estrutura coñecida nen actividade real, puidendo ser calificadas como “organizacións pantasma”. Neste momento Galiza Nova valora como rídiculo o número de organizacións que o conforman e pouco representativo da realidade asociativa xuvenil. Para Galiza Nova, o CXG, que é o interlocutor oficial da mocidade coa Xunta de Galiza, debera posicionarse e oferecer alternativas aos principais problemas da mocidade, como emprego, vivenda, ensino ou normalización lingüística.
O CXG só organiza campañas nunhas temáticas moi determinadas (saúde, sexualidade, internet...) e focalizadas case sempre en Compostela, co cal a mocidade do país descoñece na súa inmensa maioría a esta institución que a representa na teoría. Ademáis, Galiza Nova solicita unha xestión máis transparente do CXG e solicitou unha auditoría económica externa, que foi rexeitada.
Por último, Galiza Nova aposta por abrir un debate social a respeito dos métodos de interlocución da mocidade coas administracións, e así vai abrir un proceso de debate e contactos co tecido asociativo xuvenil de todo o país, dentro dun proceso de apertura dunha nova Lei de Mocidade, que agardamos que sirva para acadar un marco institucional alternativo, no cal participen asociacións xuvenís de todo o país e onde se expresen os problemas da mocidade, nunha aposta por dimensionar organismos que sexan realmente os referente das alternativas da mocidade.

Medidas contra a anorexia e a bulimia

2007-01-16T13:39:00.000-01:00

O vicepresidente da Xunta, Anxo Quintana, presentou en Santiago, unha campaña de información e sensibilización para previr a incidencia da anorexia e a bulimia entre a poboación galega. Galiza mantén os mesmos medios cos que xa contaba hai dez anos contra a anorexia e a bulimia. Existe unha única unidade de Desordes Alimentarios, no hospital psiquiátrico de Conxo, onde acoden casos de todo o país para recebir tratamento. Conta con cinco camas que están ocupadas durante todo o ano. Agora, os seus familiares contarán cun ou varios pisos, en función da demanda, á súa disposición para acompañalos durante a súa internamiento. Quintana, anunciou que o seu departamento habilitará esta vivenda durante a presentación da campaña de sensibilización Un mar de esperanza, que pretende aumentar o coñecemento sobre estes trastornos alimentarios.
A vivenda estará a disposición da Asociación de Bulimia e Anorexia de Galicia (Abagal) a finais deste mes ou a principios do próximo. No acto estiveron presentes o Director Xeral de Mocidade, Rubén Cela, e a presidenta de Abagal, María Flora Cajide-Méndez, quen esixiu a creación de tres novas unidades destas características nas provincias de Lugo, Ourense e Pontevedra. Ademáis, a Xunta elaborará un estudo sobre a incidencia de anorexia e bulimia na comunidade, en colaboración coa Universidade de Santiago.
Segundo dados de Abagal, a anorexia nerviosa afecta ao 1% da poboación galega, mentres que preto do 4% da cidadanía sofre bulimia nerviosa, uns datos que son similares aos que se rexistran no resto do Estado. Tamén recorda a presidenta desta asociación que a unidade de Conxo atende a unha media anual de 1.400/1.500 pacientes a través de dous psiquiatras, dous psicólogos e dous endocrinos, e entende que debería funcionar unha unidade deste tipo en cada cidade de Galicia.

Fotos partido da Galiza VS Ecuador

2007-01-13T17:41:00.000-01:00

Ven con nós ó partido da Selección

2006-12-16T02:11:00.000-01:00

O 28 de decembro de 2006 revivirase a maxia do fútbol cen por cento galego. A nosa selección enfrontarase a Ecuador, o 28 de decembro, ás 21:00 horas no estadio coruñés de Riazor.
Dende Galiza Nova Lugo Sur estamos a traballar para multiplicar a experiencia do ano pasado.

Reserva xa tua entrada deixando un comentario neste blog ou poñendote en contacto con nós no teléfono 615 674 390 (preguntar por Roi) ou no local comarcal do BNG en Monforte de Lemos, con teléfono 982416027.

A túa reserva consta de:

- Autobús.

- Bolsa-supervivencia composta por bocadillo e auga.

- Entrada para o partido Galiza-Ecuador.

É importante que deixedes un teléfono de contacto e especificar a localidade para planificar a ruta do autobús así como o prezo do "pack" completo que poderá variar dependendo da ubicación no estadio de Riazor (estímase un custe aproximado de 10 euros por persoa)

Fotos da cea e o campionato futbolín a prol da Selección Galega, Pantón 06

2006-12-16T00:49:00.000-01:00

Dende Galiza Nova Lugo Sur, vimos de celebrar a 2ª edición do Campionato de Futbolín a prol da Seleccións Galegas.

Esta actividade, cun marcado caracter festivo e deportivo, xuntou en Pantón, os pasados días 8 e 9 de nadal, a máis de 20 parellas de rapazes e non tan rapazes que loitaron con suor e bágoas por selos vencedores desta segunda edición. Desgrazadamente o primeiro premio volveu a marchar das terras de Pantón, inda que o deixaremos como un dato anecdótico.

E resaltando o verdadeiramente importante, que é a reivindicación das nosas equipas nacionais en tódalas disciplinas e o partido de GALIZA vs ECUADOR, o próximo 28 de nadal.

Volvemos a dar guerra ca nosa selección !!!!

2006-12-13T19:22:00.000-01:00

volve a seleccion galega e o campionato de futbolin!!!!!!!

2006-12-06T10:46:00.000-01:00

Pola presente dende Galiza Nova da Comarca Lugo-sul temos o prazer de convidarvos ao “II Campeonato de Futbolín” a prol da “Selección Galega” para o venres, 8 de Nadal.
Haberá un cea de confraternidade (10 euros por persoa) ás 21:00 horas no Bar Carabelos, situado na Praza do Concello en Ferreira de Pantón no concello de Pantón.
O Campeonato de futbolín terá lugar igualmente no Bar Carabelos ás 23:00 horas, a inscripción por parellas custará 4 euros.

Para inscribirse chamar os seguintes teléfonos:
982416027 (BNG de Lugo-sul en horario de 17 h a 21 h)
982456206 (Bar Carabelos, Pantón)

Sen outro particular, Un saúdo nacionalista.

"A Nación en Marcha"

2006-11-25T18:23:00.000-01:00

Dinamismo, traballo en equipo e avanzo”. Eses son os conceptos que pretende transmitir o cartaz deseñado polo BNG para a XII Asemblea Nacional que terá lugar os días 2 e 3 de decembro en Santiago de Compostela. Segundo explicou en rolda de imprensa Cecilia Pérez Orxe, secretaria de Imaxe e Propaganda, a idea forza é que “os homes e mulleres do país, traballando conxuntamente, levan o peso da nación e fan que o país avance”. Isto tamén se recolle no lema escollido: “A nación en marcha”.
BE NE GA numero 20 ()
Concluído ás 24.00 horas do día 24 o prazo de apresentación de candidaturas ao Consello Nacional do BNG, de cara á a vindeira XII Asemblea Nacional rexistráronse un total de 4 candidaturas.
Podedes consultar as 4 listas en formato pdf:arquivos para descargar
Lista 1 ()
Lista 2 ()
Lista 4 ()
Lista 3 ()

O MpDC solicitará que se investigue a actuación policial na detención de dúas persoas que se manifestaban a prol da liberación de Palestina

2006-11-24T21:01:00.000-01:00

O Movemento polos Dereitos Civís solicitará ante as institucións pertinentes que se investigue a actuación policial na detención de dúas personas que se manifestaban pacificamente apoiando a liberación de Palestina. Os feitos ocorreron fronte á Aula Sociocultural de Caixa Galicia, onde o ex ministro de Israel Shlomo Ben Ami pronunciaba unha conferencia.

Durante o trascurso da manifestación totalmente pacífica, na que participaban un cento de persoas, os axentes empregáronse cunha dureza desproporcionada contra os cidadáns que alí se atopaban.Segundo as asociacións participantes, o dispositivo, unha grilleira na gasolineira de Xoan Carlos I, varias furgonetas arredor da Libraría Follas Novas, policía antidisturbios como axentes de paisano, totalmente desproporcionado.Estas dúas persoas foron detidas ao comezo, cando había pouca xente, co argumento de chamaren “terroristas” aos policías, cando realmente o que berraban eran consignas como “Estado de Israel terrorista”.
Dende o MpDC, queremos recalcar o feito de que cada día, os axentes de Forzas e Corpos de Seguridade do Estado, actúan de maneira desproporcionada, vulnerando a lei e atentando contra os dereitos dos cidadáns.Por todos estos motivos, esta asociación que leva durante anos velando polos dereitos civís en Galiza solicitará que se investiguen todas e cada unha das actuacións dos policías que interviron nesta operación para disuadir unha manifestación pacífica.

25 de novembro, revírate contra a violencia

2006-11-24T19:13:00.000-01:00

Moitas veces temos denunciado que a violencia de xénero ten a súa orixe na desigualdade, na construción social que fai diferentes a homes e mulleres e nos asigna a nós, as mulleres, o papel subordinado, e aos homes, o papel do poder.
Pero cando denunciamos isto semella que deixamos a solución do problema da violencia de xénero para unha sociedade futura e que as propostas para irmos avanzando son de tipo legal ou xudicial: castigo aos maltratadores, violadores, acosadores...; leis contra a violencia de xénero, lei de igualdade, etc. Somos conscientes de que todo isto non é suficiente.
Cando propoñemos e esiximos leis, pretendemos que a sociedade recoñeza o problema e que as institucións cumpran co seu papel de garantir que toda a cidadanía teña os mesmos dereitos e obrigas. Coa esixencia do desenvolvemento das leis e a creación de servizos asistenciais, policiais e xurídicos, pretendemos que as vítimas de violencia teñan a atención que precisan. A esixencia de medidas concretas en servizos fundamentais como saúde mental e ensino, a optimización dos recursos e a ampliación de orzamentos para desenvolver as leis e novas medidas para complementalas, son os requisitos mínimos esixíbeis nunha sociedade democrática que non é quen de eliminar a violencia de xénero e a desigualdade.
Neste 25 de Novembro, queremos espallar a idea do RESPECTO como un valor fundamental para rematar coa violencia de xénero. E cando falamos de respecto non nos estamos referindo a eses regulamentos de urbanidade tales como abrirnos a porta ou deixarnos o asento. Falamos de algo moito máis profundo e necesario: a consideración, a estima, o ternos en conta, a valoración das nosas opinións, aptitudes, traballos, ideas; o respecto aos nosos desexos, ás nosas decisións. Non para darnos a razón, non para cumprir sempre os nosos desexos, senón simplemente para poder vivir en democracia, onde cada persoa ten o mesmo valor que outra, non só para votar, senón para expresarnos, traballar, estudar, equivocarnos, decidir a nosa sexualidade, as nosas amizades, a nosa propia vida.
Basta xa de tratarnos como raíñas e non deixarnos decidir; de idolatrarnos como a deusas e desprezar a nosa forma de ser; de querernos como a súa posesión máis prezada e pecharnos dentro de catro paredes; de beatificarnos como a santas, sempre que esteamos dispostas a cumprir todos os seus desexos; de mimarnos como a nenas para privarnos da nosa capacidade de gobernar a nosa propia vida; de admirar a nosa abnegación e seguir negándonos o pan e a sal.
Non existimos, como afirman moitas relixións, para que os homes non estiveran sos. Somos persoas, mulleres de carne e óso, con virtudes e defectos, afectos, paixóns, desexos, ideas,... Con razón ou sen razón, sempre, sempre, sempre, merecemos que se nos trate con respecto.

RESPECTO ás miñas diferencias, os meus desexos, a miña sexualidade, a miña historia, a miña capacidade de decidir, de pensar, de traballar, de gozar, de decidir sobre a miña vida, a miña sexualidade, as miñas amizades, sen discriminacións, sen violencia, sen estereotipos, sen sexismo, sen machismo, ...

Día Internacional para a eliminación da violencia contra as mulleres -25 de novembro-

2006-11-22T13:56:00.000-01:00

Conferencia X.Manuel Beiras Torrado, Pantón

2006-11-21T16:06:00.000-01:00

Breve fragmento de X.Manuel Beiras na conferemcia que impartiu, de forma maxistral, o pasado 18 de novembro de 2006 no concello de Pantón. Sobre o "Nacionalismo e Estado na Galiza Actual"

ORDE DO DÍA DA XII ASEMBLEA NACIONAL

2006-11-20T23:31:00.000-01:00

O Consello Nacional aprobou tamén a orde do día da XII Asemblea Nacional, que será como segue:
SÁBADO 2 DE DECEMBRO
10.00 horas. Recepción asembleístas e convidados.
11.00 horas. Pleno. Orde do Día e Regulamento.
11.30 horas. Sesión Plenaria aberta aos meios de comunicación, co discurso de abertura e a apresentación do Informe Político de Xestión e do Documento de Teses.
12.00 horas. Descanso.
12.30 horas. Sesión plenaria interna de debate sobre o Documento.
14.00 horas. Xantar.
16.00 horas. Debate en Comisións.

DOMINGO 3 DE DECEMBRO
9.45 horas. Pleno aprobación propostas de teses.
12.30 horas. Pleno Elección do Consello Nacional.
14.30 horas. Xantar.
17.00 horas. Elección da Executiva Nacional.
19.00 horas. Sesión de Clausura.

O Consello Nacional aproba o Documento de Teses da XII Asemblea

2006-11-20T23:26:00.000-01:00

O Consello Nacional aprobou, na última reunión previa á XII Asemblea Nacional, o Documento de Teses que será submetido a debate na duodécima cita asemblear da frente nacionalista, que se celebrará os vindeiros 2 e 3 de Decembro en Santiago de Compostela.
CATRO BLOCOS TEMÁTICOSO Documento de Teses que será obxecto de debate na XII Asemblea Nacional do BNG consta de catro blocos temáticos:
1. Nación e Autogoberno, o Novo Estatuto de Nación;
2. O Nacionalismo no Goberno;
3. As eleccións municipais: novo repto para o nacionalismo;
4. Organización: actualizacións organizativas.Neste documento de teses, o BNG postula que o nacionalismo galego sempre entendeu “a conquista da soberanía” como un proceso “dinámico e progresivo de logro e consolidación de espazos de libre decisión”.
A frente nacionalista entende que Galiza “reúne todas as características empíricas dunha nación” e que é precisamente ao BNG a quen lle corresponde nesta etapa histórica “responsabilizarse” da mobilización do pobo galego para “acadar o obxectivo da transformación do Estado español nun Estado plurinacional”. Asemade, o BNG considera nos textos a debate na XII Asemblea Nacional que a actuación do nacionalismo no Goberno do país está a ser moi positiva ao ter impulsado xa “cambios estruturais en ámbitos relevantes” da acción de Goberno, en materia de política agraria, industrial, cultural, de vivenda e de xestión dos servizos sociais.A XII Asemblea Nacional centrará así os seus debates na consideración de que o nacionalismo galego é o motor do Goberno de Galiza e do proceso que debe conducir o noso país a se dotar dun Estatuto de Nación que o equipare a todos os efeitos coas outras nacións do Estado, Euskadi e Catalunya. A preparación das eleccións municipais de Maio de 2007 será tamén obxecto de tratamento por parte da militancia do BNG nesta Asemblea, desde a convición de que eses comicios se traducirán na estensión aos concellos do cambio galego que o nacionalistmo protagoniza desde o Goberno de Galiza.

Elaboración do mural da lingua!!!!

2006-11-13T20:56:00.000-01:00

Conferencia de X.Manuel Beiras Torrado

2006-11-13T14:24:00.000-01:00

O próximo sábado,18 de Novembro de 2006 ás 20:00 horas, no Salón de actos do Edifico Socio-Cultural e Xuvenil de Pantón, con enderezo na Praza do Concello, terá lugar un acto público da Asamblea local do Bloque Nacionalista de Pantón e Galiza Nova, que consitirá nunha conferencia de Xosé Manuel Beiras Torrado.
A Conferencia terá por título:"Nacionalismo e Estado na Galiza Actual" . O remate da mesma terá lugar unha cea de confraternidade no Bar Restaurante Carabelos, situado ó carón do mesmo edificio onde se impartirá a Conferencia. Para participar na cea, onde nos acompañará o conferenciante, será necesario anotarse previamente, ben chamando ó Local Comarcal de Lugo-Sul ó número 982416027, en horario de 17:00 h - 21:00 h de luns a venres, ou ben dirixindose ó local de hostalería onde se vai celebrar a cea. A data límite para anotarse será o xoves 16 de Novembro. O prezo da cea é de 9 euros para os menores de idade e militantes de Galiza Nova e de 12 euros para o resto.
Un saúdo nacionalista

Asamblea Local do BNG de Pantón e Galiza Nova Lugo-Sur

“Outro Prestige aínda é posíbel, evitémolo”

2006-11-11T12:24:00.000-01:00

Novo mural de Galiza Nova!!!!

2006-11-07T21:33:00.000-01:00

Con motivo da campaña en defensa do galego, o pasado día 04 de novembro simpatizantes e militantes de Galiza Nova da Comarca Lugo Sur elaboraron un mural nunha céntrica rúa do Concello de Pantón co lema:
"A nosa língua é galega".
En breves colgaremos fotos da elaboración de dito mural.
Un saúdo nacionalista.

8 de Novembro. Folga estudantil

2006-11-07T19:42:00.000-01:00

As Mocidades pola Normalización Lingüística convocan para mañá 8 de novembro un paro xeral no ensino medio demandando o cumprimento da lexislación lingüística e, de xeito especial, da Carta Europea das Linguas, ratificada no ano 2001 e que recoñece o dereito a un ensino que se vehiculice en galego con normalidade. Aínda que desde as Mocidades da Mesa só convocan un paro, programáronse de xeito espontáneo concentracións estudantís na Coruña, Lugo, Viveiro, Arzúa, Verín, Allariz, na comarca do Morrazo, etc.Igualmente, nalgúns centros de Ferrol e da comarca de Compostela os estudantes están a preparar outras actividades orixinais para que o día 8 de novembro non pase desapercibido para a Consellaría de Educación.
Ao longo destes días numerosas organizacións e colectivos, coma os Comités Abertos de Estudantes da Coruña (CAE), Comités Abertos de Escola e Facultade (CAF), o Movimento Defensa da Língua (MDL), etc. amosaron o seu apoio a este paro.Desde a organización convocante agardan que se repita o éxito da mobilización convocada en anteriores cursos polo cumprimento do decreto que regula o uso do galego no ensino, hoxe xa superado pola Lei de Normalización Lingüística, que estabelece o 50% do ensino en galego fronte ao 30% que estabelecía o citado decreto.

"DÍA DA DIGNIDADE"para que outro Prestige non se repita

2006-11-07T13:46:00.000-01:00

A Plataforma Nunca Máis convoca unha nova manifestación este domingo ás 12 en Compostela, coincidindo co cuarto aniversario do afundimento do Prestige, co lema Outro Prestige aínda é posíbel. Reproducimos a continuación a convocatoria.
Catro anos despois, OUTRO PRESTIGE AÍNDA É POSÍBEL Evitémolo
CATRO ANOS DESPOIS......
Segue existindo un alto risco no tránsito marítimo...
Galiza non posúe un Plan de Continxencias propio...
Seguen sen determinarse os “Lugares Refuxio” e os Centros de Almacenamento...
A escaseza de medios é evidente...
Non se controla eficazmente o Dispositivo de Separación de Tráfico de Fisterra...
Continúa a deterioración do noso medio mariño...
Permanece a débeda histórica do Estado.
Catro anos despois OUTRO PRESTIGE AÍNDA É POSÍBEL

Documentos da XII Asemblea Nacional

2006-11-03T10:08:00.000-01:00

Consulta os textos a debate na próxima Asemblea Nacional. Podedes descargar en formato pdf os seguintes documentos relacionados coa XII Asemblea Nacional, que terá lugar en Santiago os días 2 e 3 de decembro.
arquivos para descargar
Documento político a debate ()
Informe do Consello Nacional ()
Modelo Emendas ()
Regulamento da Asemblea ()
Votos particulares ao documento ()

Non á rúa Manuel Fraga

2006-11-02T21:49:00.000-01:00

Unha plataforma cidadá, da que participa Galiza Nova, protestará contra a concesión dunha rúa de Compostela a Manuel Fraga, proxectada polo alcalde socialista da cidade, Sánchez Bugallo, e que conta loxicamente co apoio do Partido Popular. En pleno Ano da Memoria de lembranza da represión franquista, o alcalde quere homenaxear a un dos homes máis destacados do franquismo.O Movemento polos Dereitos Civís xa viña desenvolvendo desde hai meses unha campaña contra está rúa, baseada na recollida de apoios, na que se recolleron máis de 2000 mails, mais 500 cartas e 2500 asinaturas.Tal e como lembran do MpDC no seu panfleto, a biografía de Fraga dá para moito: facía parte do Consello de Ministros que ordenou o fusilamento de Julián Grimau e foi o principal responsábel das matanzas de Vitoria, cando a Policía entrou nunha Igrexa na que se reunía unha asemblea de traballadores, asasinando a cinco e causando máis de sesenta feridos, e que foi cando expresou tan claramente que “la calle es mía”, e Montexurra , tamén en 1976. Tamén creo interesante resaltar que prologou un libro negacionista, que negaba o xenocidio español en América Latina, algo que non estraña porque tamén dixo que a guerra do Iraque ía deixar "un país mellor do que estaba". Tamén poderíamos repasar a súa actuación á fronte do executivo galego, da cal é un claro exemplo a xestión da crise do Prestige, e que supuxo por exemplo a maior perda de falantes da nosa lingua na historia. Por último, habería que engadir o seu desprezo polos homosexuais, a defensa de Pinochet, e a reivindicación -constante- de Franco e a súa ditadura fascista. En definitiva, a persoa menos indicada para lembrar no noso rueiro, xa inzado de simboloxía fascista.

A Delegación do Goberno señala que a persecución contra membros dun colectivo xuvenil persegue “garantir os dereitos e liberdades” dos cidadáns

2006-10-15T23:24:00.000Z

O MpDC denunciou fai uns días a persecución sufrida por membros da asociación xuvenil Galiza Nova por parte dos axentes da Policía Nacional de Monforte de Lemos. Este corpo de seguridade identificou, e mesmo levou a comisaría, a membros desta organización polo mero feito de estar a repartir folletos sobre a actividade do seu colectivo diante dun instituto ou mentras realizaban tarefas de restauración dun mural adicado a Castelao.A comisaría da Policía Nacional respostara que a súa actuación enmarcábase dentro do plan de respostas ao tráfico minorista e consumo de drogas en centros educativos e nos seus entornos.Por todas estas razóns o MpDC solicitou a investigación da actuación deste corpo de seguridade na vila lucense e reclamou a erradicación de feitos coma este que privan da liberdade individual e tamén do dereito de asociación, nunha sociedade baseada nos principios democráticos, garantidos, en teoría, polas forzas de seguridade do Estado español, entre elas o corpo antes citado.Ante a resposta da Policía Nacional, o MpDC solicitou explicacións tamén ante a Delegación do Goberno de Galiza que respostou que a actuación dos Corpos e Forzas de Seguridade do Estado, foi en todo momento a axustada para garantir os dereitos e liberdades dos cidadáns.O MpDC considera inadmisibel que para garantir uns dereitos que en ningún momento se viron ameazados como son os dos alumnos do instituto se vulneren outros como os dos membros do colectivo xuvenil, no que atinxe o seu dereito de libre asociacionismo e a difusión das actividades da súa agrupación.Segundo o artigo 1.1 da Lei de Seguridade Cidadá, os axentes deberían protexer o dereito de libre asociación, e actuar con finalidade de erradicar a violencia e previr delicto sen faltas, non atopándose a actividade cidadá de repartir folletos sobre unha asociación comprendida entre os denominados actos delictivos.

A Mesa acusa a Touriño de "enganar" sobre a política lingüística da Xunta, xa que é a "misma que de Fraga"

2006-10-04T21:17:00.000Z

A Mesa pídelle ao Presidente da Xunta que 'reflexione sobre o valor de termos unha lingua propia' e 'traballe de verdade por defendela, non por usala como recurso propagandístico' Reclámanlle ao Presidente da Xunta que haxa 'un cambio na política lingüística, que debe comezar por visualizarse no ensino e en facerlle cumprir as leis ao Concello da Coruña'
A Mesa pola Normalización Lingüística móstrase “decepcionada” polas partes do discurso de hoxe do Presidente da Xunta relativas á política lingüística. Para a organización cidadá, Emilio Pérez Touriño “mantense na propaganda e no engano á cidadanía, pois di unhas cousas e fai outras. Na realidade, mantéñense os mesmos eixos de actuación sobre o galego dos gobernos anteriores.”Por iso, para este colectivo cidadán, “é lamentábel que o Presidente do Goberno galego só use a nosa lingua como un recurso propagandístico, mais non impulse a política que se precisa para solucionar os seus problemas máis urxentes, como son a calamitosa situación no ensino e o cumprimento da Lei de Normalización Lingüística, da que se continúa a burlar o goberno municipal da Coruña”. Sobre o ensino, A Mesa lembra que en Galiza se está a aplicar “o modelo lingüístico máis retrógrado de todo o Estado.”Desde A Mesa observan un “claro continuísmo na política lingüística, por máis que se presente dun xeito triunfalista”. Así, sosteñen que “o galego continúa a ter hoxe os mesmos grandes problemas que tiña nos gobernos de Manuel Fraga Iribarne”. “O Presidente da Xunta non pode vender a súa grande defensa do Plan de Normalización, cando despois de máis dun ano de goberno case non hai adiantos na súa aplicación. Estase a converter o Plan de Normalización nun fetiche publicitario, sen ningún esforzo por dalo a coñecer e moito menos por aplicalo.”

Festa do Avante 2006

2006-10-03T21:14:00.000Z

Un ano máis, Galiza Nova -xunto co BNG- estiveron presentes na Festa do Avante organizada polo Partido Comunista de Portugal, en calidade de organizacións internacionais convidadas, cun stand propio de información sobre o nacionalismo galego e Galiza.Esta macro-festival, tivo lugar os pasados 1,2 e 3 de Setemebro na Finca da Atalaia no Seixal (Portugal).

Aymerich anuncia que o BNG actuará “con cautela e firmeza” ao reclamar máis investimentos para Galiza

2006-10-03T14:01:00.000Z

O portavoz do grupo parlamentar do BNG, Carlos Aymerich, asegurou esta mañá, após a intervención do presidente da Xunta no Debate do Estado da Nación, que o nacionalismo actuará “con cautela e firmeza” na reclamación de máis investimentos estatais para Galiza.
Será asi, tal e como declarou, porque os cartos que nos adxudica o goberno estatal nos orzamentos para 2007 “para nós, aínda non son suficientes” e lembrou que o BNG aínda está neste momento negociando en Madrid as cifras para o noso país.Carlos Aymerich amosou a súa concordancia con Emilio Pérez Touriño na apreciación de que “a actuación eos investimentos do ano pasado foron mellores que o tratamento que a Galiza se lle daba nos gobernos do PP”, mais reclamou actuacións “tan importantes como a Alta Velocidade ou o saneamento das rías”.O portavoz nacionalista fixo unha valoración “globalmente” favorábel da intervención do presidente e salientou os eixos sobre os que xirou. “o crecemento económico e do emprego, a sustentabilidade e a ordenación do territorio, a aposta decidida pola temática social e o afondamento na calidade democrática e no autogoberno”.Aymerich lembrou que todas estas cuestións figuraban no pacto de goberno asinado por nacionalistas e socialistas e especificou que o discurso de hoxe “e a práctica do goberno durante este ano supón constatar que este novo goberno está cumprindo o seu compromiso coa cidadanía”.

Galiza Nova denuncia o acoso da Policía Nacional en Monforte

2006-10-03T13:37:00.000Z

A organización xuvenil nacionalista Galiza Nova de Monforte denuncia a situación de acoso e represión democráticas da cal está a ser sometida polos funcionarios do corpo nacional de policía da localidade monfortina, logo que na mañá do día 23 de xuño de 2006, dous mozos desta organización foron retidos e levados a comisaría para a súa identificación cando estaban a realizar un reparto de información diante dos centros de ensino de Monforte, concretamente fronte ó I.E.S. Daviña Rei, actividade comprendida dentro da xornada informativa nacional que Galiza Nova está a desenvolver en todas as localidades do país, así como a realización de diversos actos e repartos de material informativo referente á nosa proposta de Estatuto para Galiza. De xeito anormal, nunha situación que chegou a rozar a represión e persecución policial absurdas doutros tempos pasados foi paralizado coas consecuencias anteriormente descritas.Esta organización quere denunciar este comportamento por parte da policía nacional cara esta organización xuvenil nacionalista non se produce de xeito illado. Hai un par de meses, mozas e mozos de Galiza Nova tamén foron retidos e identificados cando se dispoñían ó arranxo dun dos murais, que inicialmente realizara esta organización xuvenil e que actualmente se atopa en estado lamentable polos factores climáticos, concretamente na Rúa San Pedro, en alusión ao escritor, artista, político e líder nacionalista, Alfonso Daniel Rodríguez Castelao.Este represivo comportamento por parte da policía non impedirá que Galiza Nova continúe co seu deber de achegar o noso modelo de Estatuto para Galiza a milleiros de mozas e mozos, posto que entendemos que o debate sobre o novo marco que dotará ó noso país debe levarse ó conxunto da poboación e mocidade galegas

Comezamos a dar loita na rede !!!!!

2006-10-02T23:28:00.000Z

Acabas de entrar no espazo web de Galiza Nova Lugo Sur!!!!!!
Nestes momentos estamos a traballar para elaborar unha serie de contidos para amueblar o noso pequeno lar na rede.
Esperamos que este blog vos goste e sirva de ventana para que estedes informados das actividades que facemos na comarca i en todo o país dende a organización xuvenil do BNG.
Un saúdo nacionalista.